Het gister ‘n uitdrukking gebruik wat my altyd aan onse Naas Botha herinner, naamlik die wat hy altyd gesê het, “op die ou einde van die dag”. Ek ken dit as aan die einde van die dag. Maar sit vanoggend by die werk en tob oor soortgelyke goed, waar ek ‘n spesifieke uitdrukking aan ‘n spesifieke persoon kan koppel.

Nou, ek luister heelwat radio, so weet ek Niekie van den Berg gebruik graag dié een, “maar nietemin”. Johan Rademan en Anthea Warner is lief daarvoor om “nou-nou maar, en netnoumaar”, te gebruik terwyl mnre Johan Rossouw en Johan Stemmett (noot- vir noot), weer baie graag hul gehoor vertel, “bly net waar jy is, ons is nou-nou terug” terwyl hulle ‘n advertensiebreuk neem. My eie…Laat ek vir jou vertel…

Daar het ek my toe heeltemaal misgis… daar is toe wel mense wat hier in Afrikaans blog…

Bly om dit te sien, het geweet dat hulle iewers raakgeloop sal word – Jippieeee!!!!

 Het hierdie blog genoem treine, treine, treine omrede ek, eerstens, ‘n treindrywer is, en tweedens, ‘n passie vir dié manier van vervoer het.

Groetnis, kyk gerus na my (Afrikaanse) blog by http://www.spaces.msn.com/chrisvanwyk

Dis die een wat die meeste van my tyd in beslag neem…

Ek het hierdie blog nou wragtag net begin oor ek gesien het dat daar gladnie op WordPress ‘n Afrikaanse blog is nie – en om geen ander rede nie.

Aangesien ek by Metrorail in Durban werksaam is as ‘n “kontrak”-drywer, en ek heelwat foto’s neem van die treine waarmee ons werk, gaan ek van die foto’s hier plaas, en hier en daar ‘n bietjie uitbrei asook wat ek ookal anders in die hande kan kry, hopelik word ek elders in die wêreld raakgesien en kan my kontrakstatus op dié manier na iets meer permanent verander – so as jy weet van ’n pos waar ek kan aansoek doen, laat my weet asseblief, ek sal dit baie waardeer.

Groete

Chris van Wyk

ns. : As ek dalk ‘n fout gemaak het en nie agtergekom het dat daar wel ander Afrikaanse blogs hier is nie, vra ek nederig om verskoning, maar laat ek dan jou besonderhede kry sodat ek kan gaan loer…